Teegala Krishna Reddy: లోక్ స‌భ ఎన్నిక‌లు (lok sabha elections) ద‌గ్గ‌ర‌ప‌డుతున్న స‌మ‌యంలో BRS పార్టీకి బిగ్ షాక్ త‌గిలింది. BRS నేత తీగ‌ల కృష్ణారెడ్డి త్వ‌ర‌లో కాంగ్రెస్‌లో (congress) చేర‌నున్న‌ట్లు తెలుస్తోంది. ఇటీవ‌ల కృష్ణారెడ్డి తెలంగాణ సీఎం రేవంత్ రెడ్డిని (revanth reddy) క‌లిసార‌ట. 2023లో జ‌రిగిన తెలంగాణ ఎన్నికల్లో తీగ‌ల‌కు BRS పార్టీ మ‌హేశ్వ‌రం టికెట్ ఇవ్వ‌లేదు. కాంగ్రెస్ నుంచి BRSలోకి వ‌చ్చిన నేత‌కు ఆ టికెట్ ఇచ్చారు. అప్ప‌టినుంచే ఆయ‌న పార్టీ పట్ల అసంతృప్తిగా ఉన్నారు.
ఈ నేప‌థ్యంలో ఆయ‌న కాంగ్రెస్ నుంచి మ‌హేశ్వ‌రం ఎంపీగా పోటీ చేసే అవ‌కాశం ఉంది. ఎంతో సీనియ‌ర్ అయిన తీగ‌ల‌కు దాదాపు మూడు నియోజ‌క‌వ‌ర్గాలను ప్ర‌భావితం చేసే ప‌వ‌ర్ ఉంది. అందుకే రేవంత్ మెల్లిగా తీగ‌ల‌ను త‌న పార్టీలోకి లాక్కోవాల‌ని చూస్తున్నారు.
