అమిత్ షాని కలిసిన మెగా హీరోలు!
RRR సినిమాతో ప్రపంచ వ్యాప్తంగా అభిమానులను సంపాదించుకున్నారు మెగాపవర్స్టార్ రామ్ చరణ్. 95 అకాడమీ వేడుకల్లో ఆర్ఆర్ఆర్ సినిమాలోని నాటు నాటు పాట ఆస్కార్ సాధించిన విషయం తెలిసిందే. ఆస్కార్ విజయంతో దేశవ్యాప్తంగా సంబరాలు అంబరాన్నంటాయి. పలువురు రాజకీయ, సినీ ప్రముఖులు చిత్రబృందాన్ని ప్రత్యేకంగా అభినందించారు. ఆస్కార్తో దేశంలో అడుగుపెట్టిన ఆర్ఆర్ఆర్ టీమ్కి ఘనస్వాగతం లభించింది. ఢిల్లీలో నేషనల్ మీడియా ఇండియా టుడే నిర్వహించే దేశంలోనే అతిపెద్ద స్పీకర్ షిప్ సమ్మిట్ India Today Conclave ప్రోగ్రామ్కి హాజరు కావాల్సి ఉండగా నేరుగా ఢిల్లీ వెళ్ళాడు చరణ్. ఈ కార్యక్రమంలో మాట్లాడి అనేక విషయాలు మీడియాతో పంచుకున్న చరణ్ తర్వాత తండ్రి మెగాస్టార్ చిరంజీవి సమేతంగా కేంద్రమంత్రి అమిత్ షాను కలిశారు. ఇటీవల RRR మూవీ నాటు నాటు సాంగ్ కి ఆస్కార్ అవార్డు రావడంతో అమిత షా చరణ్ కు శాలువా కప్పి సన్మానించారు. అయితే చరణ్, చిరంజీవి కలిసి అమిత్ షాను కలవడంతో ఇటు సినీ పరిశ్రమలోనే కాక రాజకీయాల్లో కూడా చర్చగా మారింది. దీనిపై చిరంజీవి ట్విట్టర్ లో అమిత్ షాని కలిసిన ఫోటోలని షేర్ చేస్తూ.. థ్యాంక్యూ అమిత షాజీ RRR టీం తరపున చరణ్ ని సన్మానించి ఆశీర్వదించినందుకు అంటూ పోస్ట్ చేశారు.
ఇక రాత్రి చరణ్ హైదరాబాద్ చేరుకున్నారు. ఢిల్లీలో ఫ్లైట్ లో చరణ్, ఉపాసన, చిరంజీవి కలిసి హైదరాబాద్ కి ప్రయాణించనట్టు సమాచారం. హైదరాబాద్ బేగంపేట్ ఎయిర్ పోర్ట్లో మెగా హీరోలకు ఘన స్వాగతం లభించింది. ఆర్ఆర్ఆర్ సినిమాతో పాన్ ఇండియా స్టార్గా పేరుతెచ్చుకున్న రామ్ చరణ్కి హాలీవుడ్ నుంచి కూడా అవకాశాలు అందుతున్నాయని తెలుస్తోంది. ప్రస్తుతం రామ్ చరణ్, తమిళ స్టార్ డైరెక్టర్ శంకర్తో చేస్తున్న సినిమా షూటింగ్లో బిజీగా ఉన్నారు. ఈ సినిమా RC15 వర్కింగ్ టైటిల్తో తెరకెక్కుతోంది. కియారా అడ్వాణీ హీరోయిన్గా నటిస్తున్న ఈ సినిమాపై భారీ అంచనాలే ఉన్నాయి. భారీ బడ్జెట్తో తెరకెక్కిస్తున్న ఈ చిత్ర టైటిల్ను ఈనెల 27న రామ్ చరణ్ బర్త్డే స్పెషల్గా ప్రకటిస్తామని అభిమానులకు తెలియజేసింది చిత్రబృందం. ఇక, మెగాస్టార్ చిరంజీవి ఈ ఏడాది సంక్రాంతికి వాల్తేరు వీరయ్యతో ఘన విజయం సాధించారు. ప్రస్తుతం భోళాశంకర్ సినిమా షూటింగ్తో బిజీగా ఉన్నారు మెగాస్టార్. ఈ సినిమాలో కీర్తి సురేష్ చిరంజీవి చెల్లెలుగా నటిస్తున్న సంగతి తెలిసిందే. మెహర్ రమేష్ దర్శకత్వంలో రూపొందుతున్న ఈ సినిమాపై టాలీవుడ్లో భారీ అంచనాలు ఉన్నాయి.
