NBK 108: బాలయ్య కూతురిగా క్రేజీ హీరోయిన్!
‘వీరసింహా రెడ్డి’తో ఈ సంవత్సరానికి గ్రాండ్ వెల్కమ్ చెప్పిన బాలకృష్ణ అదే స్పీడుతో వరుస సినిమాలు చేసేస్తున్నారు. సినిమాలతోపాటు అన్స్టాపబుల్ టాక్ షోతోనూ అభిమానులను అలరిస్తున్నారు. ఇక వెబ్సిరీస్లోనూ బాలయ్య నటించబోతున్నారనే వార్త వినిపిస్తోంది. అయితే తాజాగా NBK108 సినిమాలో బాలయ్య కూతురిగా నటించబోయేది ఎవరనే క్లారిటీ ఇచ్చేశారు మేకర్స్. సక్సెస్ఫుల్ డైరెక్టర్ అనిల్ రావిపూడి దర్శకత్వం వహిస్తున్న ఈ సినిమాలో కన్నడ బ్యూటీ శ్రీలీల కీలకపాత్రలో నటించనుంది. నటసింహం నందమూరి బాలకృష్ణ, సక్సెస్ ఫుల్ డైరెక్టర్ అనిల్ రావిపూడిల క్రేజీ ప్రాజెక్ట్ NBK108. షైన్ స్క్రీన్స్ బ్యానర్ పై సాహు గారపాటి, హరీష్ పెద్ది ఈ సినిమాని నిర్మిస్తున్నారు. వరుస హిట్లతో దూసుకుపోతున్న నటి శ్రీలీల ఈ సినిమాలో చాలా కీలకమైన పాత్రను పోషిస్తోంది. ఈ రోజు హైదరాబాద్ లో జరుగుతున్న ఈ సినిమా షూటింగ్ లో శ్రీలీల జాయిన్ అయింది. ఈ సందర్భంగా శ్రీలీల, బాలకృష్ణ చేయి పట్టుకున్నట్లుగా వున్న బ్యూటీఫుల్ స్టిల్ ని విడుదల చేశారు మేకర్స్. ఈ సినిమాలో తన మార్కు కామెడీ కంటే, బాలయ్య తరహా యాక్షన్ ఎక్కువగా ఉంటుందని ఇంతకు ముందే చెప్పేశారు డైరెక్టర్ అనిల్ రావిపూడి.
బాలకృష్ణ 108వ సినిమా ప్రస్తుత్తం సెట్స్ పై ఉంది. ఇందులో తండ్రీ కూతుళ్ల ఎమోషన్స్ ప్రధానంగా ఉంటాయనీ, బాలయ్యకి కూతురు పాత్రలో శ్రీలీల కనిపించనుందని అనిల్ రావిపూడి అన్నారు. అయితే ఈ సినిమాలో బాలయ్య సరసన కథానాయికగా ఎవరు నటిస్తారనే విషయంలో ఇంకా సస్పెన్స్ కొనసాగుతూనే ఉంది. త్వరలోనే ఈ విషయంలో క్లారిటీ రానుంది. ఈ సినిమాకి తమన్ సంగీతాన్ని సమకూర్చుతున్నాడు. ‘అఖండ’ .. ‘వీరసింహా రెడ్డి’ సినిమాలను బ్యాక్ గ్రౌండ్ స్కోర్ తో తమన్ నిలబెట్టిన కారణంగా, సహాజంగానే ఈ సినిమాపై అంచనాలు ఉన్నాయి.
‘ధమాకా’ సినిమాతో మంచి గుర్తింపు పొందిన శ్రీలీల వరుస అవకాశాలతో దూసుకుపోతుంది. ఈ కన్నడ భామ రౌడీ హీరో విజయ్ దేవరకొండ తర్వాతి సినిమాలోనూ హీరోయిన్గా ఛాన్స్ కొట్టేసినట్టు తెలుస్తోంది. అంతేకాదు పవన్ కళ్యాణ్, సాయి ధరమ్ తేజ్ కాంబినేషన్లో తెరకెక్కుతున్న వినోదయా సీతంలోనూ ఓ ప్రత్యేక పాట చేయనుంది శ్రీలీల. ఇక త్రివిక్రమ్, మహేష్ కాంబినేషన్లో రూపొందుతున్న మూవీలో కూడా శ్రీలీల సెకండ్ హీరోయిన్ గా చేస్తున్న సంగతి తెలిసిందే.
