Adipurush లా కాకుండా సినిమా బాగా తీస్తా
Mumbai: ఓం రౌత్ పుణ్య‌మా అని రామాయ‌ణం ఎలా తీయ‌కుడ‌దు అని ఎవ‌రైనా అడిగితే.. ఆదిపురుష్‌లా (adipurush) అని స‌మాధానం చెప్పే స్థితి వ‌చ్చింది. దాంతో ఇప్పుడు ఎవ‌రైనా పురాణాల‌ను సినిమాలుగా తీయాలంటే ఒక‌టి వెయ్యి సార్లు ఆలోచిస్తున్నారు. ఈ నేప‌థ్యంలో నేను రామాయ‌ణం (ramayan) తీస్తా అంటూ ముందుకొచ్చారు బాలీవుడ్ ద‌ర్శ‌కుడు నితీష్ తివారీ (nitish tiwari). దంగ‌ల్ లాంటి బ్లాక్ బ‌స్ట‌ర్ సినిమా తీసిన నితీష్.. ఇప్పుడు రామాయ‌ణం తీస్తా అని అంటున్నారు. ఈ సినిమాను నెల క్రిత‌మే ప్ర‌క‌టించారు. పైగా ఇందులో రాముడిగా రణ్‌బీర్ క‌పూర్ (ranbir kapoor), సీత‌గా ఆలియా భ‌ట్‌ను (alia bhatt) పెట్లాల‌నుకుంటున్న‌ట్లు తెలిపారు.
అయితే ఆదిపురుష్ సినిమా ఇప్ప‌టికే వివాదాల్లో చిక్కుకుంది క‌దా మ‌ళ్లీ ఎందుకు రామాయ‌ణం (ramayan) తీస్తానంటున్నారు అని నితీష్‌ని (nitish tiwari) అడిగితే.. ఆదిపురుష్‌లా (adipurush) కాకుండా మంచి రామాయ‌ణాన్ని నేను తీస్తానుగా అని కాన్ఫిడెంట్‌గా స‌మాధానం చెప్పారు. ఒక సినిమా తీసేట‌ప్పుడు ద‌ర్శ‌కుడిగా కాకుండా స‌గటు ప్రేక్ష‌కుడిగా ఆలోచించి సినిమా తీస్తాన‌ని, తన సినిమా త‌న‌కు న‌చ్చిన‌ప్పుడు ఆడియ‌న్స్‌కి కూడా త‌ప్ప‌కుండా న‌చ్చుతుంద‌ని ధీమా వ్య‌క్తం చేస్తున్నారు. మ‌రి నితీష్ రామాయ‌ణం ఏమేర‌కు ప్రేక్ష‌కుల‌ను ఆక‌ట్టుకుంటుందో అదీ చూద్దాం.
