IIFA: అరుదైన గౌరవం అందుకున్న యూనివర్సల్ స్టార్!
Abudhabi: మే 26,27 తేదీల్లో అబుదాబీ వేదికగా ఐఫా(IIFA) వేడుకలు జరిగిన సంగతి తెలిసిందే. ఈ వేడుకల్లో భాగంగా యూనివర్సల్ స్టార్ కమల్ హాసన్(Kamal Haasan) అరుదైన గౌరవం అందుకున్నారు. ఈ అవార్డు కార్యక్రమంలో ఆస్కార్ విన్నర్ ఏ.ఆర్. రెహమాన్(AR Rahman) చేతుల మీదుగా అవుట్స్టాండింగ్ అచీవ్మెంట్ ఇన్ ఇండియన్ సినిమా అవార్డు అందుకున్నారు. భారత సినిమాకు అందిస్తున్న సేవలకుగానూ ఈ గౌరవం అందుకున్నారు.
కాగా, కమల్ వరుస సినిమాల్లో నటిస్తున్న సంగతి తెలిసిందే. గతేడాది విక్రమ్ సినిమాతో సెన్సేషనల్ హిట్ అందుకున్నారు కమల్. లోకేష్ కనగరాజ్ రూపొందించిన ఈ సినిమాలో కమల్ నటనకు ప్రేక్షకులు ఫిదా అయిపోయారు. ప్రస్తుతం శంకర్ డైరెక్షన్లో రూపొందుతున్న ఇండియన్ 2 సినిమాలో నటిస్తున్నారు కమల్. గతంలో సూపర్హిట్గా నిలిచిన భారతీయుడు సినిమాకి ఇది సీక్వెల్గా రూపొందుతున్న విషయం తెలిసిందే. ఈ సినిమాలో కమల్కి జోడీగా కాజల్ అగర్వాల్ నటిస్తోంది. నటుడిగా రాణిస్తూనే రాజ్కమల్ ప్రొడక్షన్స్ పేరుతో సినిమాలను కూడా నిర్మిస్తూ సినీ పరిశ్రమకు సేవలందిస్తున్నారు కమల్.
