‘రాక్షసరాజు’గా రానున్న రానా దగ్గుబాటి!
Hyderabad: టాలీవుడ్ హల్క్ దగ్గుబాటి రానా(Rana Daggubati) తమ్ముడు దగ్గుబాటి అభిరామ్(Daggubati Abhiram) హీరోగా ఎంట్రీ ఇస్తున్నా చిత్రం ‘అహింస’(Ahimsa). తేజ దర్శకత్వం వహించిన ఈ సినిమాను .. ఆనంది ఆర్ట్‌ క్రియేషన్స్‌ పతాకంపై పి.కిరణ్‌ నిర్మించారు. ప్రేమకథా నేపథ్యంలో తెరకెక్కుతున్న ఈ సినిమాలో అభిరామ్‌కు జోడీగా గీతికా తివారీ హీరోయిన్గా నటిస్తుంది. ఈ సినిమా జూన్ 2న ప్రేక్షకుల ముందుకు రానుంది. ఈ సినిమా ప్రమోషన్స్లో జోరుగా పాల్గొంటోంది చిత్రబృందం. ఇటీవలే రానా దగ్గుబాటి ముఖ్య అతిథిగా ప్రీ రిలీజ్ ఈవెంట్ కూడా ఘనంగా నిర్వహించారు. ఈ సందర్భంగా డైరెక్టర్ తేజ పలు ఇంటర్వ్యూల్లో పాల్గొంటూ తన అనుభవాలు, భవిష్యత్తు ప్రణాళికలను పంచుకుంటున్నారు.
వరుస ప్లాపులతో ఇబ్బందిపడ్డ తేజ రానా దగ్గుబాటి హీరోగా వచ్చిన ‘నేనే రాజు నేనే మంత్రి’ సినిమాతో సూపర్ హిట్ అందుకున్నారు. కాజల్ అగర్వాల్ హీరోయిన్గా నటించిన ఈ సినిమాలో రానా నటన ప్రేక్షకులను మెప్పించింది. కాగా, రానా, తేజ కాంబినేషన్లో మరో సినిమా రూపొందనుందని ప్రకటించారు తేజ. అంతేకాదు ఈ సినిమాకు ‘రాక్షస రాజు’(Rakshasa Raju) అనే టైటిల్ పెట్టనున్నట్లు తెలిపారు.
దగ్గుబాటి అభిరామ్ హీరోగా వస్తున్న ‘అహింస’ ప్రేమ కథగా రూపొందుతోంది. ఈ సినిమా నుంచి ఇప్పటికే విడుదలైన టీజర్, పాటలు ప్రేక్షకులను విపరీతంగా ఆకట్టుకుంటున్నాయి. మరి హీరోగా అభిరామ్ ఎలా అలరిస్తాడో తెలియాలంటే జూన్ 2 వరకు ఆగాల్సిందే!
