నూతన పార్లమెంట్ ప్రారంభోత్సవం సందర్భంగా రూ.75 కాయిన్ విడుదల!
Delhi: నూతన పార్లమెంట్(New Parliament) భవనం ప్రారంభోత్సవం సందర్భంగా భారత ప్రభుత్వం 75 రూపాయల నాణాన్ని(Rs. 75 Coin) విడుదల చేయనుంది. ఇటీవలే కేంద్ర ప్రభుత్వం(Central Government) 2 వేల నోట్ల రద్దు ప్రకటించిన సంగతి తెలిసిందే. తాజాగా 75 రూపాయల నాణేన్ని విడుదల చేయనున్నట్లు తెలుస్తోంది. 35గ్రాముల బరువుతో 75 రూపాయిల నాణెం ఉండనుంది. 50శాతం వెండి, 40శాతం రాగి, 5శాతం నికెల్, 5శాతం జింక్తో 75 రూపాయిల నాణెం తయారు చేయనున్నారు.
నాణెం 44mmసైజులో ముద్రించారు. అశోక స్తంభంపై ఉండే నాలుగు సింహాల చిహ్నం దాని కింద ‘సత్యమేవ జయతే’ అక్షరాలు ఉండనున్నాయి. నాణేనికి ఎడమవైపు దేవనగరి లిపిలో భారత్, కుడివైపు ఆంగ్లంలో ఇండియా అని ఉండనుంది. కాయిన్ ఎగువ అంచుపై సంసద్ సంకుల్ అని దేవనగరి స్క్రిప్ట్లో, దిగువ అంచున పార్లమెంట్ కాంప్లెక్స్ ఉండనుంది. ప్రస్తుతం మార్కెట్లో రూ. 1, రూ. 2, రూ. 5 , రూ.10,రూ.20 కాయిన్లు వాడకంలో ఉన్నాయి. త్వరలోనే వంద రూపాయల కాయిన్ను కూడా విడుదల చేసే ఆలోచనలో ఉన్నట్లు తెలుస్తోంది.
