Tholi Prema: రీరిలీజ్కి సిద్ధమైన మరో బ్లాక్బస్టర్!
Hyderabad: ప్రస్తుతం టాలీవుడ్లో రీరిలీజ్(Re release) ట్రెండ్ జోరుగా కొనసాగుతోంది. స్టార్ హీరోల పుట్టినరోజు కానుకగా వాళ్ల కెరీర్లో బ్లాక్ బస్టర్లుగా నిలిచిన సినిమాలను రీరిలీజ్ చేస్తూ ఫ్యాన్స్ని ఖుషీ చేస్తున్నారు మేకర్స్. విశేషం ఏంటంటే.. రీరిలీజ్ కలెక్షన్లలోనూ రికార్డులు సృష్టిస్తున్నారు హీరోలు. రీరిలీజ్ సినిమాల్లో ఆల్టైమ్ రికార్డులు క్రియేట్ చేసింది పవర్స్టార్ పవన్ కల్యాణ్(Pawan Kalyan). పవన్ నటించిన జల్సా(Jalsa), ఖుషి(Kushi) సినిమాలు భారీ కలెక్షన్లతో రికార్డులు సృష్టించాయి.
ఖుషి సినిమా ఏకంగా 7 కోట్ల 80 లక్షలు కలెక్ట్ చేసి ఆల్టైమ్ రికార్డ్ సెట్ చేసింది. ఈ రికార్డుని కొల్లగొట్టడానికి చాలా రీ రిలీజ్ లు వచ్చాయి. ఇటీవల విడుదలైన సింహాద్రి(Simhadri) కూడా ఖుషి కలెక్షన్లను అందుకోవడం లో విఫలం అయ్యింది. ఇప్పుడు ఖుషి రికార్డ్స్ ని బద్దలు కొట్టడానికి మరోసారి పవర్స్టారే స్వయంగా రాబోతున్నారు. ఆయన హీరో గా నటించిన ఎవర్గ్రీన్ క్లాసిక్ లవ్ స్టోరీ ‘తొలిప్రేమ’(Tholi Prema) చిత్రాన్ని 4K టెక్నాలజీ తో జూన్ 30న ప్రపంచవ్యాప్తంగా రీ రిలీజ్ చెయనున్నట్లు ప్రకటించారు మేకర్స్. పవన్ కల్యాణ్, కీర్తి రెడ్డి(Keerthi Reddy) జంటగా నటించిన ఈ సినిమాని రీరిలీజ్ చేయనున్నట్లు శ్రీమాతా క్రియేషన్స్ ట్విటర్ ద్వారా అధికారికంగా ప్రకటించింది. ఇక, ఈ చిత్రం సంచలన విజయం సాధించి అద్భుతమైన వసూళ్లు సాధించింది. మరి ఈసారి ఎలాంటి రికార్డులు క్రియేట్ చేస్తుందో చూడాలి.
