SSMB28: మహేష్ సినిమాలో బాలీవుడ్ స్టార్ హీరో!
Hyderabad: సూపర్ స్టార్ మహేష్ బాబు(Mahesh Babu), మాటల మాంత్రికుడు త్రివిక్రమ్(Trivikram) కాంబినేషన్లో ఓ సినిమా రూపొందుతున్న సంగతి తెలిసిందే. SSMB28 వర్కింగ్ టైటిల్తో రూపొందుతున్న ఈ సినిమాలో పూజా హెగ్డే(Pooja Hegde), శ్రీలీల(Sreeleela) హీరోయిన్లుగా నటిస్తున్నారు. వచ్చే ఏడాది సంక్రాంతి కానుకగా జనవరి 13 విడుదల కానున్న ఈ సినిమా షూటింగ్ శరవేగంగా సాగుతోంది. ఈ సినిమా టైటిల్ కోసం మహేష్ అభిమానులు ఎంతగానో ఎదురు చూస్తున్నారు. మే 31న సూపర్స్టార్ కృష్ణ జయంతి సందర్భంగా ఈ సినిమా టైటిల్ ప్రకటిస్తారని తెలుస్తోంది. కాగా, ఈ సినిమాకు సంబంధించి మరో వార్త చక్కర్లు కొడుతోంది.
అతడు, ఖలేజా సినిమాల తర్వాత మహేష్, త్రివిక్రమ్ కాంబినేషన్లో రూపొందుతున్న సినిమా కావడంతో భారీ అంచనాలే ఉన్నాయి. అందుకే ఈ సినిమాని ప్రేక్షకుల అంచనాలకు మించి రూపొందించేందుకు ప్రయత్నిస్తున్నారు త్రివిక్రమ్. ఇందులో భాగంగానే ఈ సినిమాలో ఓ కీలకపాత్రలో నటించేందుకు బాలీవుడ్(Bollywood) స్టార్ హీరో అక్షయ్ కుమార్(Akshay Kumar)ను సంప్రదించారట. అక్షయ్ కూడా ఒప్పుకున్నారని తెలుస్తోంది. పాన్ ఇండియా సినిమాగా రూపొందుతున్న ఈ మూవీలో అక్షయ్ కుమార్ ఏ పాత్రలో కనిపించనున్నాడో వివరాలు తెలియాల్సి ఉంది. ఇక ఈ సినిమాను తెలుగుతో పాటు హిందీ, తమిళ, కన్నడ, మలయాళ భాషల్లో కూడా ఒకేసారి రిలీజ్ చేసేందుకు చిత్రబృందం ప్లాన్ చేస్తోంది. హారిక & హాసిని క్రియేషన్స్ భారీ బడ్జెట్తో ఈ సినిమాను నిర్మిస్తోంది.
