MS Dhoni: కొంద‌రు అలా ఫీల‌వుతుంటారు.. ఏం చేస్తాం
MS Dhoni: డ్రెస్సింగ్ రూమ్ లో మన స‌హ‌చ‌రులు, స‌హాయ‌క సిబ్బంది పట్ల మనం న‌డుచుకునే తీరు నాయకుడిగా అత్యంత ప్ర‌ధాన‌మైన‌దని టీమిండిమా మాజీ సార‌థి ఎంఎస్ ధోని అన్నారు. కేవలం ఒక ఉన్నత పదవిలో ఉన్నంత మాత్రాన గౌరవం రాదని.. దాన్ని మన ప్రవర్తనతో సంపాదించుకోవాలని ధోని అభిప్రాయపడ్డాడు.
MS Dhoni ఒక లెజెండరీ క్రికెట్ కెప్టెన్, ముఖ్యంగా T20 ప్రపంచ కప్, ODI ప్రపంచ కప్ మరియు ఛాంపియన్స్ ట్రోఫీలో భారతదేశాన్ని విజయపథంలో నడిపించినందుకు ప్రసిద్ధి చెందాడు. టెస్టు క్రికెట్‌లో జట్టును నంబర్ 1 గా నిలిపిన ఏకైక భారత కెప్టెన్ కూడా అతనే. అంతర్జాతీయ క్రికెట్‌కు రిటైరైనప్పటికీ, కెప్టెన్సీలో అతనికి సాటి లేదు. ఇండియన్ ప్రీమియర్ లీగ్‌లో అతని మ్యాజిక్ ఇప్పటికీ కనిపిస్తుంది. ధోనీ మ్యాచ్ చూసేందుకు అభిమానులు కిలోమీటర్ల మేర ప్రయాణించి స్టేడియంకు చేరుకుంటారు. అతను చెన్నై సూపర్ కింగ్స్ తరఫున ఐపీఎల్‌లో ఆడుతూ, 2023లో టైటిల్‌ను గెలిచి మరోసారి తన సత్తా నిరూపించాడు. రాబోయే ఐపీఎల్‌లో విజయాన్ని పునరావృతం చేయాలని ధోని లక్ష్యంగా పెట్టుకున్నాడు.
MS ధోని మరియు రోహిత్ శర్మ ఇండియన్ ప్రీమియర్ లీగ్‌లో నిజంగా విజయవంతమైన కెప్టెన్లు, ఒక్కొక్కరూ ఐదు టైటిల్స్ గెలుచుకున్నారు. ధోనీ ఇటీవల ముంబైలో నాయకత్వం గురించి మాట్లాడాడు. మ‌న‌కు ల‌భించే గౌరవం కుర్చీతో రాద‌నీ, మన ప్ర‌వ‌ర్త‌న, న‌డ‌వ‌డిక‌తో వ‌స్తుంద‌ని చెప్పారు. “ఆటగాళ్లకు గౌరవం మీ ద‌గ్గ‌ర నుంచి ల‌భించాలి. గౌరవం పొందడానికి ప్రయత్నించవద్దు దాన్ని సంపాదించండి, ఎందుకంటే ఇది చాలా సహజమైనది. మీకు ఆ విధేయత ఉంటే, జట్టు ప్రదర్శన కూడా అలాగే ఉంటుంది. మీరు న‌డుచుకునే తీరే మీకు గౌర‌వాన్ని తెచ్చిపెడుతుంద‌ని” ఎంఎస్ ధోని అన్నారు.
అలాగే, “నాయకుడిగా గౌరవం సంపాదించడం ముఖ్యమని నేను ఎప్పుడూ భావించను, ఎందుకంటే అది కుర్చీ లేదా పదవితో రాదు. ఇది మీ చర్యతో వస్తుంది. మీ ప్రవర్తనతో వస్తుంది. ఒక్కోసారి ప్లేయర్స్ అభద్రతాభావంలో ఉంటారు. కొన్నిసార్లు, జట్టు మిమ్మల్ని విశ్వసించినప్పటికీ, మీపై నమ్మకం లేని మొదటి వ్యక్తి మీరే అయ్యే అవ‌కాశ‌ముంటుంది” అని ధోని పేర్కొన్నారు. డ్రెస్సింగ్ రూమ్‌లో ప్రతి ఆటగాడి బలాలు-బలహీనతలను అర్థం చేసుకోవడం ముఖ్య‌మ‌నీ, ప‌లువురు ఆట‌గాళ్లు ఒత్తిడిని ఇష్టపడతారు.. మ‌రికొంత మంది దీనికి వ్య‌తిరేకంగా ఉంటారు. ఈ విష‌యంలో మీరు న‌డుచుకునే తీరు ఫ‌ల‌వంతంగా ఉండాల‌ని ధోని చెప్పారు.
కాగా, ఎంఎస్ ధోని భారత దిగ్గ‌జ ప్లేయ‌ర్ల‌లో ఒక‌రు. ఇప్ప‌టికే అంతర్జాతీయ క్రికెట్ కు వీడ్కోలు ప‌లికిన ధోని.. ప్ర‌స్తుతం ఐపీఎల్ లో చెన్నై సూపర్ కింగ్స్ జ‌ట్ట‌కు నాయకత్వం వ‌హిస్తున్నారు. భారత్ తరఫున ధోనీ 90 టెస్టులు, 350 వన్డేలు, 98 టీ20లు ఆడాడు. టెస్టుల్లో 4,876 పరుగులు చేయ‌గా, వ‌న్డేల‌లో 10,773 పరుగులు సాధించాడు. పొట్టి ఫార్మాట్ లో 1,617 పరుగులు చేశాడు. ప్ర‌స్తుతం ఐపీఎల్ లో ఆడుతున్న ధోని ఇప్పటి వరకు 190 మ్యాచ్‌లు ఆడిన 4,432 పరుగులు కొట్టాడు. టీమిండియాకు మూడు ఫార్మాట్ ల‌లో ఐసీసీ టైటిల్స్ ను అందించిన ధోని.. ఐపీఎల్ లో తాను నాయకత్వం వ‌హిస్తున్నా చెన్సై సూపర్ కింగ్స్ కు 5 సార్లు ఐపీఎల్ టైటిల్స్ ను అందించాడు.
